Mere Dada ke 4 ladke aur 2 ladkiya hai. Gaur Singh, Jaynarayan, Nandlal, Ishwar, Shamti, Tijiya naam hai. Unke paas 4 acre 90 dismil jameen thi. Jisme se 4 acre unhone bech diya tha, Alag jaati ka hone ki wajah se Kharidne waale ka naam nhi chada tha, Baad me mere dada ke 3rd bete mere papa Nandlal ne apni service lagne ke baad pure 4 acre jameen ko wapas kharida aur apni 15-16 saal ki kamayi apne maa pitaji aur bhaiyon ke dekh rekh me laga di . Jiski wajah unke chhote bhai ishwar aaj CISF me Naukri kar rha hai, Jaynarayn kheti kisaani karta h aur Gaur Singh ko 10th class me mere Dada ne ghar se nikal diya tha , wo bhi CISF se retired h ,jisne apne bade bete hone ka koi farz nhi nibhaya . 25/05/2016 me sabhi bhaiyon me batwara hua , Ishwar aur Jaynarayan jisko mere Papa ne Paala ,unhone batwaare ke time par kisi bhi gaon ke aadmi ko nhi bulaya , aur jab humne bola ki sarpanch ya fir patwari ko bulao to unhone bulane nhi diya aur jab mere Papa ne kaha ki agar tumlogo ko sarpanch ya patwari nhi bulana to mat bulao magar maine jo mere service ke 15-16 saal ka saara paisa parivaar me lga diya uske hisaab se thoda jyada jameen milna chahiye. Ishwar aur Jaynarayan ne mere Papa ki baat ko FARZ bta ke taal diya . aur jo batwara hua usme jameen kuch aise bati -
Ishwar - 1 acre 60 dismil ;
Jayanaran - 1 acre 8 dismil ;
Gaur singh - 95 dismil;
Nandlal (mere papa) - 90 dismil;
Dono betiyon ko Batware me hissa lene se inkaar kiya aur unhone jameen ke badle chaaro bhaiyo se paise mange
abhi khata alag nhi hua h
registry 26/05/2016 jis din batwara hua usi din ho gaya
mere papa ko pichle 1 1/5 saal se kuch dikhaai nhi deta
aur ye jameen hi ab humara sahara h ye jaante huye bhi aisa batwara kiya gaya hai
Ishwar ne patwari ke paas jaane ki jagah tehsil office se map ka copy nikalwaaya aur sabhi bhaiyo ko dikha kar bola ki ye map patwari ne issue kiya hai aur bola ki isi ke hisaab se batwara hoga
mera question hai :
Kya ye batwara sahi hua?
kya ye batwara fir se kar sakte h?
Registry cancel ho sakti h? Agar ho sakti hai to kaise hogi (procedures)?
Kya mere dada ke bade bete Guar singh jisko ghar se nikaal diya tha uska bhi jameen par hak h?
kya kisi ke asahmat hone par bhi batwara ho sakta h?(hum is batwaare se ashahmat h)
plz humari madad kare aur hume helpful suggestion de ...
thankyou
yours sincerely
Chitranjan Diwan
(S/O Nandlal)
Asked 7 years ago in Property Law
Religion: Hindu